Байгууллагын дотоод харилцаа болон хэрэглэгчийн халамж

Өнөө цагт бизнесийн амжилт зөвхөн бүтээгдэхүүний чанар, үнэ ханш дээр тогтдоггүй. Харин ч харилцаа, ойлголцол, халамж дээр суурилсан байгууллагууд өрсөлдөөнөөс хоёр алхмын урд байна. Байгууллагын дотоод уялдаа холбоо болон хэрэглэгчийн халамжийн бодлого нь ажилтны бүтээмж, хэрэглэгчийн үнэнч байдал, улмаар компанийн орлого, бизнесийн өсөлтөд шууд нөлөөлдөг стратегийн гол хүчин зүйлс болжээ.

минут уншина

Дотоод харилцаа холбоо бол ажилтны бүтээмжийн нууц түлхүүр

Аливаа байгууллагын өсөлт зөвхөн гадагш чиглэсэн маркетинг, борлуулалтын стратегид бус, дотоод соёл, уялдаа холбоотой хамтын ажиллагаанаас эхэлдэг. Ажилтнуудын хоорондын ойлголцол, мэдээллийн шуурхай солилцоо нь багийн хамтын ажиллагааг хөнгөвчилж, бүтээмжийг нэмэгдүүлдэг.

Сэтгэл ханамжтай ажилтнууд = Сайн баг

Gallup.com-ийн 2023 оны судалгаагаар, дотоод харилцаа сайтай байгууллагын ажилчдын 85% нь ажлын байрандаа сэтгэл ханамжтай байдаг байна. Энэ нь зөвхөн ажлын уур амьсгал төдийгүй чанар, гүйцэтгэлд ч чухал нөлөө үзүүлдэг.

Тогтвор суурьшил = Зардлыг хэмнэж, соёлыг хадгална

Ажилтан харилцаа сул, мэдээлэл дутмаг орчинд үлдэхээс илүү гарахыг эрмэлздэг. Ойлгомжтой, нээлттэй харилцаатай байгууллагууд ажилчдаа тогтоон барих чадвараар илт давуу байдаг.

Хэрэглэгчийн халамж = Итгэлцэл дээр суурилсан харилцаа

Өнөөгийн хэрэглэгчид бүтээгдэхүүнээс гадна анхаарал, хүндлэл, халамжийг илүүд үздэг. Шуурхай хариу, асуудал шийдэх чадвараас гадна хувь хүний онцлогт нийцсэн, харилцааны түүхийг мэддэг үйлчилгээ илүү үнэ цэнтэй байх болсон.

Одоо үеийн хэрэглэгч нэг асуудлын талаар 2–3 өөр сувгаар холбогдож болно. Хэрвээ танай баг түүний өмнөх харилцааны түүхийг нь мэддэггүй бол хэрэглэгчээ бүрэн анхаардаггүй гэсэн дохио юм.

Хэрэглэгчийн халамжийг тэргүүлэх зорилт болгосон байгууллагууд зах зээлийн дунджаас 10–15%-иар илүү орлого олдог. Учир нь тэд хэрэглэгчээ хадгалж, тэдний итгэлээр шинэ хэрэглэгчдийг татдаг.

Сэтгэл ханамжтай үйлчлүүлэгчид дахин худалдан авалт хийх магадлал 60-70%-иар илүү байдаг бол шинэ хэрэглэгчтэй болоход 5-25 дахин их зардал гардаг. (Harvard Business Review, CX Impact Study)

Бодлогыг бодит ажил болгох 3 шилдэг аргачлал

Хэрэглэгчийн халамж, багийн уялдаа холбоог зөвхөн онолын түвшинд ойлгоод зогсохгүй, байгууллагын өдөр тутмын үйл ажиллагаанд бодитой хэрэгжүүлэх нь хамгийн чухал алхам юм. Ямар ч төрлийн байгууллагад шууд туршиж, хэрэгжүүлж болох 3 аргыг танилцуулъя.

1. “Нэг хэрэглэгч - Нэг түүх” зарчимд шилжих

Хэрэглэгч бүрийн өмнөх харилцаа, асуудлын шийдэл, онцлог мэдээллийг нэг дор цогцоор нь харах боломжтой системтэй болох. Танай багийн аль ч гишүүн тухайн хэрэглэгчтэй холбогдох үед:

“Та өмнө нь ийм асуулт асууж байсан байна...” гэж шууд хариулж чадвал,
Хэрэглэгч өөрийн асуудлаа дахин дахин тайлбарлах шаардлагагүй болж,
Итгэлцэл болон VIP мэдрэмж үүсэх суурь тавигдана.

Энэ төрлийн түүх бүхий хэрэглэгчийн картууд нь зөвхөн хэрэглэгчийн халамж бус борлуулалтын дараагийн алхмыг төлөвлөхөд ч тус болдог.

2. Цагаа хэмнэхийн тулд багийн дотоод харилцааг нэг дор төвлөрүүл

Интеграци сайтай дотоод харилцааны системгүй үед:

Ажилтнууд бие биеэсээ давхар асууж, лавлах
Шуудан хүлээж, тодорхойгүй байдалд орох
Шийдвэр гаргалт саатах эсвэл давхардсан ажил үүсэх зэрэг далд зардлууд гардаг.

Харин дотоод чат, аудио хурал, дундын файлууд, тэмдэглэл зэрэг нь нэг платформд төвлөрсөн үед:

Харилцаа холбоо ойлгомжтой, хурдан болж, илүү уялдаа холбоотой, илүү үр дүнтэй ажиллана.

Хурдтай, тодорхой харилцаа нь төслийн амжилт, хэрэглэгчид үзүүлэх үйлчилгээний чанарт хамгийн том хөшүүрэг болдог.

3. Дата мэдээлэлдээ итгэж бодит баримт дээр тулгуурлан шийдвэр гарга

Мэдрэмжээр бус, мэдээлэлд суурилсан шийдвэр гаргах цаг аль хэдийн ирсэн. Хэрэглэгч болон ажилтны харилцааг:

Дата болгож хадгалан, дүн шинжилгээ хийх
Гүйцэтгэл, хариу өгөх хугацаа, ачаалал, сэтгэл ханамжийг хэмжих
Ил тод, бодит цагийн тайлан гаргах боломжтой болгох нь удирдлагын түвшний алсын хараанд бодит суурь болж өгдөг.

Энэ нь зөвхөн урамшуулал тогтооход бус багийн бүтээмж, хэрэглэгчийн туршлагыг нэмэгдүүлэх цаашлаад байгууллагын стратегийн шийдвэрүүдийг ч илүү оновчтой болгоно.

Харилцааг харилцан итгэлцэл болгох шийдэл CallPro Teams

CallPro Teams бол ажилтны бүтээмж, хэрэглэгчийн сэтгэл ханамжийг зэрэг дээшлүүлэх, байгууллагын харилцааг нэгдсэн дата төвтэй, ухаалаг түвшинд хүргэх платформ юм.

Нэг хэрэглэгч - Нэг түүх
Нэг баг - Нэг мэдээллийн урсгал
Нэг байгууллага - Нэг зорилго

CallPro Teams-ийн үндсэн боломжууд

All-in-one харилцаа: Яриа, мессеж, чат, видео/аудио хурал
Хэрэглэгчийн бүртгэл: Дуудлагын түүх, бичлэг, тэмдэглэл
Тайлан, анализ: Харилцаанд суурилсан дата сан
Цахим нэрийн хуудас: Багийн уялдаа холбоог сайжруулах хэрэгсэл
Цагийн уян хатан тохиргоо: Ажлын болон хувийн горим