Дуудлагын төвийн мэргэжилтнүүдийн хувьд ажил мэргэжлийн онцлогоос шалтгаалан ажлын байран дээрх стрессийн түвшин харьцангуй их байдаг. Энэ нь ажлаас халшрахад нөлөөлдөг учир тэднийг идэвхжүүлэх, урамшуулах аргуудыг тогтмол хэрэглэснээр тухайн мэргэжилтэн ажилдаа тогтвор суурьшилтай ажиллах боломжтой юм.
- Гүйцэтгэлийг үнэлэх маш тодорхой, хүрч болохуйц хэмжүүрүүд тавих
Дуудлагын төвд хэмжих ёстой хэд хэдэн үзүүлэлтүүд байдаг бөгөөд бид өмнөх нийтлэлээрээ дуудлагын төвийн гүйцэтгэлийг хэмжих 8 чухал үзүүлэлт-ийг онцолсон билээ. Эдгээр үзүүлэлтүүдийг хэмжихдээ хэт өндөр биш олон улсын стандартад нийцсэн байлгахыг хичээх хэрэгтэй. Магадгүй өөрсдийн дуудлагын датан дээр үндэслэн дуудлага алдалтаа өнгөрсөн жилийн дунджаас 10% бууруулна г.м бодитой зорилт тавих нь чухал.
- Амжилтыг нь урамшуулах
Жижиг амжилтыг урамшуулах нь дараагийн ажлыг урам зоригтойгоор эхлүүлэх боломжийг бий болгодог. Тиймээс жижиг ч гэсэн амжилтыг урамшуулан, дараагийн ажлыг урам зоригтойгоор эхлэх сэдлийг бий болгох хэрэгтэй. Магадгүй өдөрт авах “амжилттай дуудлага”-ийн тоогоо 80%-тай байлгана гэдэг зорилт тавиад түүндээ хүрснээ тэмдэглэн дараа сард нь нэмэгдүүлэх байдлаар багаа урамшуулж болох юм.
- Сүүлийн үеийн технологид хөрөнгө оруулах
Дуудлагын төвийн мэргэжилтнүүд хэрэглэгчидтэй хамгийн ойр байдаг хүмүүс юм. Тиймээс тухайн хэрэглэгч тэдгээр хүмүүсээр байгууллагыг төсөөлдөг.
Хэрэглэгчдийн 75% нь эхний дуудлагаар асуудлаа шийдвэрлүүлэхийг хүсдэг. Тиймээс тэдний дуудлагыг таслахгүйгээр дараагийн мэргэжилтэн рүү шилжүүлэх, дуудлагын дараа шууд мессежээр мэдээлэл илгээх г.м жижиг автоматжуулалтуудыг хийх нь customer experience буюу хэрэглэгчийн туршлагыг сайжруулахад тусалдаг. Тиймээс хэрэглэгчийн сэтгэл ханамжийг өндөр байлгахын тулд энэ төрлийн системүүдэд хөрөнгө оруулах нь зүйтэй юм.
КоллПро ХХК, байгууллагын харилцаа холбооны цогц шийдлийг санал болгодог бөгөөд байгууллагын дуудлага зохицуулах CallPro Voice үйлчилгээг CallPro Text үйлчилгээтэй интеграцлан хэрэглэгчид дуудлага дууссаны дараа шууд автоматаар мессеж илгээх автоматжуулалтыг байгууллагуудад санал болгож байна.
- Ажиллах орчинг тухтай бүрдүүлэх
Судалгаанаас үзэхэд дуудлагын төвийн ажилтнуудын 63% нь remote-ээр ажиллахыг илүүд үздэг бол 78% нь уян хатан ажлын хуваарийг илүүд үздэг байна. Тиймээс CallPro Voice үйлчилгээг ашиглан операторууд байгууллагын дуудлагыг гар утас, таблет, компьютер г.м дурын төхөөрөмжөөс авах боломжийг үүсгээрэй. Ингэснээр дуудлагын төвийн мэргэжилтнүүд хүссэн газраасаа ажиллах боломжтой болж байгаа юм.
- Өсөн дэмжих боломжийг бүрдүүлэх
Байгууллагын мэргэжилтнүүд өөрийн өсөж дэвших боломжоо мэддэг байх нь ажиллах урам зоригийг нэмэгдүүлдэг. Бизнесийн зорилгоос гадна хувь хүний хөгжил, карьерын зорилго тодорхой байх хэрэгтэй. Мэргэжилтнээс ахлах болж өсөн дэвшдэг эсвэл байгууллагын дотоод зэрэг дэвтэйгээр хамааралтайгаар тухайн мэргэжилтний цалин хэрхэн өсөх боломжтой зэргийг шинэ ажилтны сургалт дээр танилцуулах хэрэгтэй. Ингэснээр илүү урт хугацаанд ажиллах магадлал өндөрсөнө.
